قصة قلبي عشقهم بجوج
- قصص
-
- Unknown
_غنرجع ب سنين كتيرة و نحكيلكم على حكايتي انا...
لينا بنت مدللة زوينة معندي حتى مشكل ف حياتي عايشة ف استقرار مع بابا لي ك يؤدي دور الاب و الام لي ماتت و هي كتولدني و حبو ليها لكبير خلاه يرفض يتزوج من بعدها و رباني و كبرني بوحدو و عمرو حتاجيت ل شي حد كان موفرلي كلشي الصغيرة قبل لكبيرة هو بابا و خويا و ماما و ختي و عائلتي كلها و حياتي عمري تخيلت حياتي بلا بيه حيت هو روحي و الهواء لي كنتعيش و نتنفس بيه حتى لواحد نهار كنت كيف العادة كنستناه يجي من الخدمة نتغداو ب2 تعطل عيط ليه ف تلفون مكيجاوبش خرجت وكلي كنترعد ركبت ف طوموبيل مشيت للشركة و كان الخبر لي نزل عليا كيف الصاعقة بابا مات و هو ف طوموبيل ديالو جاي للدار مات بابا بلا ميودعني مات و خلاني وسط وحوش لي هوما عمامي و عماماتي لي بعد 7ايام جاو للدار عندي بغاو يفرقو الورت انا مكنتش ف عالم ديالهم كنت ف غيبوبة حالتي كانت غريبة غي ساكتة و ساهية مبكيت مغوت صدمة كانت اكبر مني ... وقتها مين مات بابا كان عندي 19عام كنت كنقرى فمعهد تصميم الازياء حيت بابا كانت عندو شركة ملابس جاهزة و كنت كنحماق على تصميم الازياء و كنت متفوقة بزاف ف دراسة ديالي كان باقيلي سنة و نتخرج و لاكن بعد موت بابا حبست كلشي حتى من الحياة حبست عندي من بعد ما كتاشفو عائلتي انا بابا كاتب ليا كلشي بالاسم ديالي تصدمو و قررو باش يديرو خطة تخليهم ياخدو كلشي باعو شركة و باعو فيلا لي كنا ساكنين فيها انا و بابا و مي حادة لي رباتني و وقفت معايا حتى مور بابا ما مات هي مسكينة مقرياش و معرفت مدير و انا كانت صدمة مخلياني فاقدة الوعي واخا فايقة ولاكن غايبة كنت كنحس باكلشي ولاكن مكنعرفش نعبر كنت رافضة نعيش الحياة بلا بابا كنت عايشة ف عالم اخر دارو مابغاو و خداو كلشي لي من حقي حيت كنت مريضة و خاص لي يتكفل بيا و هوما اداو دور الملائكة قدام القاضي و حكملهم بالتصرف ف املاكي و العناية بيا كانو كل مرة يحطوني ف دار عند واحد منهم كيلعبو بيا بحال الكرة مي حادة طردوها وانا دارو فيا ما بغاو 3سنين وانا عايشة عيشة الكلاب مع عمومي و عماماتي حتى من الكسوة مكانوش يشريولي يعطيوني كسوة بناتهم لي تقدام حتى من الماكلة كانو يوكلوني مرة ف نهار لعدس و خبز بايت واخا بابا الله يرحمو كان مهلي فيهم و مخدم ولادهم ف شركة ويدير معاهم غي لمزيانة ولاكن غدروه و تكرفسو عليا بزااف مهم بعد 3سنين غايجي نهار لي لينا ترجع تحيا من جديد وترجع حقها لي ضاع....
كان صيف و عمومي و عماماتي عياو مني و كرهوني بغاو يسافرو ومبغاوش ياخدوني معاهم و ف نفس الوقت مبغاوش يحطوني ف سبيطار لي من نهار حكم القاضي مداوني للطبيب على رغم ان القاضي حكم بالعناية الطبية و متابعة العلاج حتى نبرا و ناخد حقي حيت مرضي كان عندو دوا خاص غي نتبع العلاج ولاكن هوما خلاوني بلا علاج حيت ف صالحهم نبقى مريضة و معرفاش حقي باش يستغلوه ولاكن كلشي غادي يتصلح من بعد ما خلاوني عند واحد السيدة تقابلني لمدة لي هوما مسافرين فيها و خلصوها و تهناو مني ومشاو يتساراو على خاطرهم و معرفوش بلي غيجيو يلقاو لينا جديدة قوية و قادرة تواجهم و ترجع حقها ...
وانا عند ديك سيدة كاتقابلني ف دارها لي كانت ف واحد الحي شعبي ف وسط المدينة كان حي فيه ديما لغوات وصداع ومشاكل ومقاتلا مكينعسوش وديك سيدة كانت غريبة ديما برا كتجي حتى ليل تنعس وانا كتخليني نهار كولو بوحدي حالتي تبهدلات وكتخليني بكسوتي مسخة وحالتي حالة بعدا عند عمومي وعماماتي كانو ينقيوني و يبدلولي ..
ف نهار كان ليل كنا ناعسين و شوية سمعنا لغواات و دنيا مقلوبة برا ديك لمرا ناضت تجري و خلاتني مكنتش نتحرك ولا نعرف اش واقع ف دنيا بقيت ف بلاصتي حتى دخلو لبوليس للدار كيقلبو و يهزو و يحطو ف الحوايج وانا فوق سداري مرميا معارفا اشنو كيوقع غي كنشوف ب عيني وصلو ل عندي و هزني واحد لبوليسي و رماني ف الارض هنا غيدخل عصام للبيت و يشوف لبوليسي و هو كيرميني و تبدا حكايتي مع عصام لي غيرلي حياتي و خلا ضحكة تعرف توصلي من جديد .
عصام:: اش كدير نتا واش هادي ماشي انسانة لي كترمي فيها هاكا
بوليسي:: كوميسير عصام را...ه كنت غاد..ي نن..
عصام:: اشنو نن تمتم تما يلااه درق زلافتك عليا حسابي معاك من بعد ديما كنقولك تعامل با انسانية مع الناس واخا يكون حتى قتال حنا كناديو وضيفة شريفة وامتالك لي كيخسرو سمعة ديالنا حنا معندناش سلطة باش نحكرو على ناس سلطة ف يدنا باش نحقو بيها الامن و الامان للناس ولاكن معامن كنهضر نتا الحكرة كتجري لك ف دم وليت منعدم لحس الانسانية
بوليسي:: سمحليا من كوميسير راه والله غي الاعصاب ديال هاد بنت ل... ديما مجرجرانا موراها و كتهربنا نشدها نحيدلها س... نوريها معامن كتلعب بنت ل..
عصام:: تبارك الله عليك هاد شي بعد لي قلتو ليك مزال غا زايد فيه شكون نتا باش تضرب مرا حيت بوليسي صافي عندك الحق واش ربي خلقها حرة باغي نتا ب وضيفة ديالك ترضها عبدة عندك نتا غادي ندير معاك اجراء هاد المرة حيت شكايات..
حيت شكايات ظضك كترو
بوليسي:: مون كوميسيرر سمحليا راه غي بلادنا كتبقا فيا بغيت نقيها من الوسخ راه بحال هادو هوما لي ضيعو لبلاد
عصام:: اكيد كاملين هدفنا هو بلادنا تكون احسن بلاد و نقيوها من اي وسخ كيف ما كان ولاكن خاصنا اولا نحاسبو ريوسنا عاد نحاسبو لوخرين و الى جات على بلادنا نقويها اولا خاصنا نحاربو المحسوبية و زبونية و باك صاحبي و الفساد الاداري ويلا تنقات من هادو مغديش تكون خدوج و امتالها حيت غيلقاو الخدمة موفرة ويلقاو سكن موفر و يعيشو عيشة مستقرة بعيدة على مشاكل وعالم الاجرام لي كيدخلو ليه حيت حقهم مهضوم ولاكن حنا سلطة ديالنا كنستعملوها غي ضد ضعيف باش نتبتو الوجود ديالنا كيف درتي نتا معا هاد البنت البريئة لي لا حول ولا قوة لها
بوليسي:: كوميسير عصام عندك لحق ف كلشي لي كتقولو ونتا عارف كلشي و مجرب قبلي ولا نسيت الانذار لي جاك على ديك القضية ديال ولد الوزير ا سي عصام حنا ف بلاد رجع فيها الضالم هو المضلوم و الى مستغليتش سلطة غيستغلوها لي كبر منك ضضك نصيحة ليك حيت نتا عزيز عليا و بحالك مبقاوش وانا من بزاف لي كنقدروك ونحتارموك بغيتك تديها ف خدمتك و نسا المبادئ حيت مخداماش معا صحاب الحال و راه الخبار ف راسك
عصام:: محد فيا روح غنبقا مور الفساد وندير ما ف جهدي حتى نصلحو واخا على موتي
بوليسي:: مكرهناش الفساد ف البلاد يحبس و نعيشو ب حرية وكرامة و حقوق ولاكن هادي سياسة كل دولة ضروري مايكون رئيس والمرؤوس
عصام:: احنا معاهم حتى نشوفو فين توصل دابا هز البنت و لحقني نشوفو خدوج واش شدوها ولا ضربتها ب هربة كيف ديما وتبقا نتا هابل وكتاكل ف راسك هههه
(عصام كان كوميسير كيخدم بالقلب و النية وباغي يحقق ف البلاد الامن والاستقرار ولاكن يد وحدة مكتصفقش كان رجل عصامي ونعم رجال شهامة و رجولة يقد يضحي ب راحتو و بنفسو باش ناس تعيش مرتاحة ..
مهم هزوني ودارو تحريات ديالهم عليا حيت عارفين خدوج معندها ولاد وشكو لا تكون خاطفاني ولاكن دازت شي يومين وشدوها و قالت ليهم بلي راه لقاتني ف زنقة و دارت فيا خير مبغاتش تقوليهم لحقيقة حيت خافت لا يتابعوها بلي كتخدم مربية بلا رخصة وتخلص قالت نخرج من بااب واسع ونقول لقيتها من بعد ما عرف عصام بلي معندي حد خداني لدارهم وسط الام ديالو والاب ديالو وختو حطوني ف عينيهم غسلولي و نقاوني ولبسوني هاد شي كامل انا كنت محاسة ب والو بحال شي لعبة كيلعبو بيا كيف بغاو عصام موقفش هنا وحبس خداني للطبيب و دارلي راديو سكانير و تحاليل خلاني ف مصحة و مشا بقيت تحت عناية ديال طبيب 24ساعةكيديرو ليا ترويض و جلسات الاسترجاع الوعي ديالي ومع المدة حالتي تحسنات بزاف رجعت.
كيديرو ليا ترويض و جلسات الاسترجاع الوعي ديالي ومع المدة حالتي تحسنات بزاف رجعت كنهضر و نتمشا دازو شهرين حالتي ستقرات رجعت الوزن ديالي و صحتي و حالتي طبيعية حكيت للطبيب اش وقع ليا حيت مكانوش عارفين شكون انا ولا اش وقع ليا باش وصلت لعند خدوج طبيب عيط لعصام لي مكنتش كنعرفو او شفتو حيت نهار حطني ف مصحة بقا كيطمن عليا غي ب تلفون من طبيب لي كان صديق ديالو مهم جا عصام باش يهضر معايا و ياخد افادة ديالي انا مكنتش عارفة شكون هادا غير انه كوميسير جاي يهضر معايا لبست حوايجي و قاديت راسي لي كنت عليها قبل 3سنين رجعت لينا البنت زوينة لي كيشوفها كيقول تبارك الخالق المصور بقيت كالسة ف جردة ديال المصحة وانا نشوف شخص واقف مع الطبيب من اول نضرة بغيتو مفكرتش ومعرفتش علاش و كيفاش هادا هو فارس احلامي كانت اول مرة قلبي يتحرك لشي حد عمري عشت هاد الاحساس الغريب بقيت كنشوف فيه وسهيت ف جمالو و اناقتو حتى وقف عليا كوميسير عصام كان شاب ف الثلاثينات عندو حقو ف زين مهم عادي بدا يهضر معايا بدون مقدمات دخل فالموضوع سولني وحكيتلو كلشي لي وقعلي وعلى بابا والاملاك ديالي لي مكنتش عارفة اش وقع ليها و طمني بلي كلشي غادي يرجع كيف كان وقالي منخاف م والو صافي مشا انا رجعت نقلب على داك شاب زين لي شفت نضت بقيت كنقلب عليه ملقيتوش حسيت بحال كنعرفو مدة طويلة وحسيت بحال شايفاه قبل جاتني لبكية مين ملقيتوش مشيت عند طبيب ف بيرو ديالو اول ما دخلت شفت داك زين لي كان واقف معاه ف جردة فرحت بزاف مكرهتش نعنقو ونقولو كنبغيك احساس غريب مفهمتش راسي علاش بغيتو وانا اول مرة نشوفو طبيب:: تفضلي انسة لينا جلسي راه كنت غادي نعيط ليك تجي
لينا:: شكرا دكتور راه هضرت مع كوميسير عصام و قالي كلشي غادي يتصلح دابا انا خاصني نخرج نقلب على حقي
طبيب:: كيف درتي هضرتي معا عصام وهو ملي جا وهو معايا
لينا:: معرفتش ولاكن راه كنت جالسة ف جردة وجا عندي واحد وقالي انا جيت باش ناخد الافادة ديالك ونعرف اش وقع حتى وصلتي عند خدوج
طبيب:: ااه لا راك فهمتي غلط كوميسير عصام ها هو لي كالس معايا ف بيرو اما هداك راه غي جا ياخد منك افادة راه سيفطو عصام
( انا ف هاد لحضة شفت ف عصام لي كانت مرسومة على وجهو ابتسامة بريئة و عينيه كلها حنان و رجولة وقف و شاف فيا وهنا بدا حبي ليه لكبير عينيه كانت كتحسسني بالامان وصوتو مين هضر حسيت بالدفء و قالي)
عصام:: على سلامتك انسة لينا فرحتينا برجوعك للحياة من جديد راه حكالي دكتور ريان على قصتك و موت باباك الله يرحمو ولاكن متخافيش حنا معاك حتى ترجعي حقك و دابا وجدي راسك باش تخرجي معايا لينا:: شكرا ليك بزاف ولاكن انا معرفاش ...
لينا:: شكرا ليك بزاف ولاكن انا معرفاش فين نمشي دابا
عصام:: نتي غتمشي معايا للدارنا راه كلشي كيستناك و فرحان بالرجوع ديالك
طبيب:: انسة لينا يمكن نتي معاقلاش على عصام ولاكن اكيد تكوني حاسة بلي شايفاه او تعرفيه من قبل حيت راك كنتي معاهم ف دارهم مدة قبل متجي للمصحة وراه عصام تكفل بيك وهو لي جابك حتى تعالجتي وليوم غتمشي معاه لدارهم حتى تشوفي اش ديري حيت مبقالك جلاس هنا صافي
حالتك مستقرة
(انا اكيد كنت طايرة بالفرحة واحساسي انني كنعرف عصام قبل كان ف محلو حيت وانا عندهم ف دارهم كان مهلي فيا هو وعاءلتو واخا كنت مريضة و ف عالم اخر ولاكن كنت كنحس ب كلشي لي كيدور من حولي وحبي ل عصام مكانش صدفة وبدات حكايتي مع عصام لي خداني لدارهم و ضيفوني بحال بنتهم و ختو سوسن كانت ختي وباه و مو كانو كيعاملوني بحال بنتهم بقيت عندهم مدة 3 شهور وعصام كان كيجري ف قضيتي بحال قضية ديالو و جابلي حقي من عمامي و عماماتي و رجعت فلوسي منهم واخا دارو فيا العيب انا سمحت ليهم باش ميتابعهمش القاضي بالتهمة استغلال املاكي و تزوير حيت مهما كان يبقاو جزء مني ولاكن شرطي هو عمري نشوفهم ينساو بلي عندهم بنت خوهم سميتها لينا واخا هوما بكاو دموع تماسيح باش نسمح ليهم ولاكن تبريراتهم على شي لي دارو فيا كانت تبريرات غير مقنعة صافي رجعت فلوسي و جا وقت لي خرجت من دار عصام و شريت داري و رجعت مي حادة تسكن معايا والعلاقة مع عصام وعائلتو مغاتحبسش هنا لعكس غادي طور كتر سوسن اخت عصام كانت بحال ختي وكنا متفاهمين بزاف كان ف عمرها 20عام و بعد ما خدات دوg بغات تكمل قرايتها ف فرنسا وكانت محتاجة لفلوس باش دير كونط و دير فيزا و انا عاونتها حيت كان عندي فلوس بزايد وفعلا مشات سوسن لفرنسا و انا حليت واحد محل و بديت من 0 نكون نفسي حيت شركة تباعت و مجهود بابا ضاع بقيت كنحاول نكبر المحل ونصمم ازياء وملابس وكنبيع للشركات صغار وحتى للناس كانت بصمة ديالي ف ملابس جديدة و مبتكرة هاد شي لي خلاني نتعرف ف سوق و يرجع طلب على منتوجاتي كتير و شاركت ف مساباقات ونجحت و خديت جوائز ومن المحل صغير لشركة لي كتكبر نهار على خوه و اسمي ف سوق بدا كيتعرف عصام لحد الان علاقتي بيه متعداتش صداقة داز عام و مزال عصام كيعاملني كاصديقة وحبي ليه نهار على خوه كيكبر كتر و كتر باكل موقف كيديرو معايا و ب شهامتو ورجولتو كان كيجي يوصلني كل نهار و مينعس حتى يطمن عليا كان يحكيلي كلشي على راسو و على خدمتو بغيتو باكل جوارحي باقلبي ب روحي عصام مستحيل شي انسان يتعرف عليه وميبغيهش )
عصام:: لالة لينا زوينة كيف دايرة الامور ف لخدمة مزيانة؟
لينا:: اه الحمد الله كلشي مزيان و نتا لباس مع الخدمة هاد الايام مبقيتش كتسول فيا بزاف شنو شاغلك عليا؟؟ا
عصام:: الحب يا صديقتي
لينا::(بحرقة و غيرة) اممم الحب اوا الله يكمل ليك و يسهل عليك
عصام:: ههه امين ا جدتي وا شفتك دغيا تقتي و كدعي معايا فرحتيلي زعما
لينا:: اكيد وعلاش منفرحش ليك نتا عزيز عليا بزاف و خيرك عمرو نساه ب سبابك انا ليوم واقفة على رجليا و رجعت حقي لي ضاع
عصام:: شششت متقوليش هاكا حنا مبيناتناش هاد الهضرة و راك نتي معزتك عندي اكبر ما تصوري بحالك بحال سوسن
لينا:: اممم سعداتي انا اوا يلاه حكيلي على حبيبة ديالك
عصام:: اكيد الى محكيتش ليك لمن نحكي اش غنقولك انسانة رائعة و كتحمق و كنبغيها بزااااف و حياتي الماجية كلها غتكون معاها و ليها عمري تصورت غانبغي ولا لقا بحالها مهم قريب غنعرفك عليها و اكيد غتبغيها بزاف كيف انا كنبغيها
لينا::(دموع محبوسة ف العين) اكيد حيت نتا دوقك زوين ف كلشي يلاه انا دابا غادية للدار من بعد و نهضرو
عصام:: وانا لاش جاي اصلا باش نوصلك للدار يلاه نتحركو
لينا:: لااا غير سير نتا انا عندي شي حاجة نقضيها قبل عاد نمشي للدار
عصام:: عاودي اشنو كتقولي بانيتك غنخليك تمشي بحدك دابا يلاه نوصلك فين بغيتي و نستناك حتى تسالي شغالك و نديك للدار
لينا:: عصام اش كتحسب راسك خويا ولا راجلي لي كتخنقني بهاد شكل قلت ليك عندي غرض صافي خليني نمشي بحدي مبغيتكش تكون معايا فهم راسك
عصام:: لينا مالك ياك لباس علاش كتعصبي عليا
لينا:: عصام صافي سالينا خليني نعيش حياتي متخنقنيش و نتا عيش حياتك صافي خليني مبقيتش باغيا نشوفك مزال
(عصام تصدم من ردة الفعل ديالي مفهم والو وحتى انا مفهمتش علاش درت هاكا واخا غرت و تعصبت ولاكن كنت قادرة نصبر كتر و منبينش غيرتي لهاد درجة عصام حسيتو تعصب و مرضاش و مشا وخلاني كنعاني ف صمت حبي ليه كبر لدرجة منتخيلش راسي مع غيرو و منقدرش نتحمل نشوفو مع غيري بقيت كنبكي و نقول علاش معندي زهر علاش لي نبغيه يمشي و يخليني علاش عصام مبغانيش انا علاش كان يعاملني هاكا ويخاف عليا بزاف علاش مينعس حتى نعس انا علاش خلاني نبغيه و نعشقو وهو كان كيشوفني مجرد صديقة ولا يمكن كان يشفق عليا حيت انا وحيدة ومعندي حد ف دنيا لي يوقف ب جنبي بقيت ف افكاري كل يوم على هاد الحالة بكا و حزن عصام مبقاش هضر معايا ولا جا عندي حسيت ب نقص كبير ف حياتي نهاري كيدوز بحال سنة وجودو كان معمر عليا و مخليني فرحانة وسعيدة وغيابو حطمني ورجعني لينا اليتيمة الحزينة داز شهر و ف نهار وانا كنحاول نسا ...
ورجعني لينا اليتيمة الحزينة داز شهر و ف نهار وانا كنحاول نسا عصام وسط الاتواب و المقص و الابرة جاني اتصال من سوسن ..)
سوسن:: الو حبيبة توحشتتتتك
لينا:: سوسن حبيبة معرفتكش حيت مخرجش ليا رقمك انا كتر متوحشااك بزاااف
سوسن:: سنة حلوة يا جميل ياربي نشوفك اجمل عروس و نفرح بيك
لينا:: مفهمتش علاش سنة حلوة ؟؟
سوسن:: احيااااني واش بصح نتي من نيتك راه ليوم عيد ميلادك الهبيلة
لينا:: والله معارفة اصلا نهارات كلهم رجعو كيتشابهو كي لبارح كي ليوم كيف غدا مبقيتش كنحس ب فرق بيناتهم
سوسن:: مالك احبيبة مهمومة خاصني نشوفك ضروري
لينا:: مكرهتش نشوفك والله لوكان غي جيتي قريبة مني نجي عندك نشكيلك لي بيا
سوسن:: ااه عارفة هاد شي وحتى من عصام راه بعيد لي كان كيفوج عليك شوية
لينا:: بعيد علاش فين عصام؛؟؟
سوسن:: علاش نتي معارفاش عصام راه مسافر
لينا:: ليه هو كيهضر معايا باش يقولي شي حاجة فين مسافر وامتى وعلاش؟؟
سوسن:: اوا هي مخاصمين بلاتي عليا نتلاقاو ونجاوبك على الاسئلة وتحكيلي اش وقع مع عصام
لينا:: كيفاش نتلاقاو ونتي ف فرنسا سوسن واش تسطيتي
سوسن:: مفاجأة وا راني هنا ف لمغرب و غاندوز معاك عيد ميلادك بلاتي مع 5ف قهوة ديال الوردة الحمراء صافي
لينا:: اكييييد غتلقايني تما مع 4
(سوسن كانت عزيزة عليا و كانت بنت زوينة و ضريفة بزاف بحال عصام وهي عارفة حبي لعصام من نهار الاول حست البنات كنحسو ونعرفو نضرات الحب لي كانت باينة عليا وسوسن كانت تمنى نهار نكون مع عصام حيت كنت عزيزة عليها مهم مشيت كافي وجا عندي سرفور وصلني لبلاسة لي نكلس فيها حيت سوسن كانت موصياه عليا و كانت حاجزة مكان زوين باش تحتافل بيا كلست وبقيت كنستنا شوية نسمع شي صوت مغريبش عليا كيقول سنة حلوة يا جميل درت لقيتت عصام هاز طارط فيها صورتي ومكتوب فيها عيد ميلاد اجمل لينا ف العالم..لينا:: عصام هادا نتا كيفاش و سوسن فين هي
عصام:: مكان لا سوسن لا والو كاين غي انا و نتي كلشي تمتيلية درتها انا و سوسو باش تجي
لينا:: وعلاش شهر ونتا غابر و طافي تلفون ديالك
عصام:: بغيتك تعرفي قيمتي ياك نتي لي بغيتي نخليك تعيشي حياتك بلا بيا
لينا:: نتا عارف بلي قلتها ف لحضة غضب
عصام:: شششت صافي نساي لي فات حنا ليوم غانبداو من ليوم بغيت نعرفك على حبيبتي لي حكيتلك عليها و مغلقاش فرصة احسن من عيد ميلادك
لينا:: عصام نتا اناني ليوم عيد ميلادي انا علاش باغي تخسر عليا هاد نهار اش دخلني ف حبيبتك سير بعد مني خليني نمشي
عصام:: علاش كتبكي غرتي ا لينا
لينا:: علاش غادي نغير اش دخلني فيك ولاكن انا...
(حط يدو على فمي و سكتني وكانت اول مرة كنحس بيه قريب مني بزااف و يدو تقيسني .....
(حط يدو على فمي و سكتني وكانت اول مرة كنحس بيه قريب مني بزااف و يدو تقيسني ركابيا حسيتهم فشلو و قلبي بقا كيضرب بزاااف و عرقت و بقيت كنترعد عصام شد ليا يدي و حطها على قلبو و قالي نتي هي حبيبتي و نتي لي كنبغي من نهار شفتك اول مرة ف دار خدوج حسيت بلي معاك حياتي غتبدا ومعاك عمري جاي غادي يكون اجمل ونهار شفتك ف لمصحة بغيت نقولك كنبغيك ولاكن بقيت ساكت حيت مبغيتش علاقتنا تبدا بشي حاجة لي مترضيش الله بغيت حتى نكون مستعد و واجد و بيناتنا كان يعجبني الحال وانا كنشوف حبك ليا و غيرتك و فرحتك وانا معاك عجبني احساس انك كتبغيني وخايفة منكونش نبغيك و لاكن حبي ليك اكبر من حبك بزاف و ليوم غاتكون بدايتنا و عمري نتخلى عليك لينا تقبلي تزوجيني؟؟
اش كيقول هادا كيهضر معايا ولا انا كنتخيل اكيد موافقة عنقتوووو وكانت اول مرة واكيد ماشي اخر مرة :p تخطبنا وبقينا كنوجدو للعرس فرحتي اكبر من اني نوصفها او نكتبها فرحتي الى تقسمت على العالم كلو تكفي و توفي عصام رجع ليا عصام كيبغيني وااااو غنعيش مع حب حياتي و نكون معاه ف الحلال العرس كيقرب بزاااف بقا شهر كلشي واجد تحضيرات كلها غادية مزيان القاعة محجوزة كسوتي كنصممها ب نفسي لباس الابيض كنت مصمماه فخيالي و احلامي وجا نهار لي غادي نخيطو ب يدي لحب حياتي كلشي واجد كنستنى نهار نكون انا وعصام ف دار وحدة بفارغ صبر بغيت نعيش حياتي لي بقات كلها ف الحضن ديالو كنبغيييييه بزااف )
عصام:: حياتي و عمري ما بقا والو و تكوني ديالي
لينا:: علاش دابا انا ديال جيران هههه
عصام:: ياك ديالي اوا اجي ل هنا
لينا:: وا كون تحشم عصام لااا حشومة
عصام:: يخليلي لحبيبة لي كتحشم لينا كنبغيك بزاف و عمري نتخلى عليك
لينا:: انا كتر عصام معاك مكنحسش بلي انا يتيمة كنحس بابا مزال عايش كنشوفو ف حنانك و خوفك عليا و حبك
عصام:: وانا عمري نخليك تبكي ولا تعيشي لحضة حزينة
لينا:: الله يخليك ليا و نعيشو اجمل ايام حياتن
عصام :: امين حبيبة ديالي عرفتي فرحتي كبيرة بزاف بيك دخلتي عليا بالخير و ربح
لينا:: شنووو شي ترقية هادي ههه
عصام:: تقريبا راه واحد القضية مهمة بزاف كنخدم فيها الى وصلت لشي وراق عرفتي غادي بزاف لحوايج تبدل ف لبلاد
لينا:: عصام كيخلعوني هاد القضايا لي ب هاد نوع عافاك حضي راسك وو مديرش شي حاجة لي تخليني نخسرك راه نموت ا عصام الا وقعليك شي مشكل
عصام:: متخافيش كلشي غيدوز مزيان و قبل لعرس انكون مفضي كلشي الامور و الفرحة ترجع فرحتين
لينا:: عصام بلاش من هاد القضية قلبي ممرتاحش خلي لعرس يدوز لول
عصام_:: متخافي موالووو هاد القضايا مولف بيهم ماشي اول مرة دابا اجي نقولك واحد لحاجة مهمة ف ودنك ....
قربي مالك هههه
لينا:: تبعني ايلا شديتني قولهالي ههههه
(جا نهار لي كنت كنستناه من نهار شفت عصام ليوم غنكون اجمل عروس حيت حبيب روحي و قلبي و عريسي غيكون هوا)
لبست لبسة الاميرة وشفت راسي ف لمراية قبل العىرس ما يبدا ب تواني حسيت قلبي تقبض ليا و دمعة سخونة نزلت من عيني هاد نهار لي تمناه كل بنت و كتحس فيه انها اميرة غايخدها فارس الاحلام ديالها و يسافر بيها لعالم اخر كلو حب يوم كان بالنسبة ليا ناقص رغم وجود ناس كتيرة حولي الا انني كنحس ب غربة و بوحدة كبيرة حتى وجود عصام مقدرش يملا مكان بابا لي كنشوفو ف وجه كل شخص و كل ما تسلم عليا شي مرا كنشوف فيها ماما لي تحرمت منها ومن حنانها للحضة وقفت قدام المرايا شفت راسي على حقيقتي اليتيمة لي مغتشوفش فرحت واليديها و هي عروسة الدمعة رجعت دموع مبغاتش تحبس)
النكافة:: حبيبة متبكيش راك عروسة فرحي هادا نهارك راه ماشي مزيان لعروسة تبكي نهار عرسها فال مزوينش
لينا:: ماشي ب خاطري تمنيت بابا و ماما يكونو معايا ف هاد نهار
النكافة:: اكيد هوما كيحسو و كيشوفو فيك و فرحانين للفرحة ديالك استغفري الله و تعودي من الشيطان الرجيم
لينا:: استغفر الله اعوذ بالله من الشيطان الرجيم
عصام:: مزال عروستنا مسالات واااوو هادي لينا ولا كنتخايل حياتي جيتي تحمقي و نخاف عليك تخرجي للقاعة يشوفوك ناس يخطفوك من بين يدي
لينا::(ترميت عليه و عنقتو وبقيت كنبكي) عصام متخلينيش متسمحش فيا نتا لي عندي ف هاد دنيا و نتا هو روحي لي عايشة بيها
عصام:: لينا حبيبتي حياتي متبكيش مكنقدرش نشوف دموعك راه عمري نخليك و عمري نسمح فيك من غير لموت لي تقد تفرقني عليك
لينا:: لا متقولش لموت عصام الله يخليك لموت داتلي اعز ناس ماما و بابا مبغيتهاش تاخدك مني نموت انا قبل منك ومنشوفش داك نهار لي نعيش ونتا مكاينش ف حياتي
عصام:: لينا حبيبة ديالي هاد نهار عرسنا و غانعيشو حياتنا ف سعادة لموت حق علينا ولازم نرضاو ب قضاء الله و قدرو متبقايش تقولي هاد لهضرة وربي يطول عمرنا ونشوفو حفايدنا و نكبرو انا وياك ونرجعو شارفين و يبقا فيا كترت لهضور و نكير ديك ساع تبقاي تبغيني ولا صافي نطلع ليك ف راسك
لينا:: هههه شارف لاخور باليا من دابا بديت تخرف انا نكرهك واخا تبقا تنكر عليا ليل ونهار عمري نكرهك غانبقا نبغيك حتى يطيحو ليا سنيناتي و شيب يخرجلي و نموت ونتا حبيبي و حياتي
(عنقني و حسيت وانا ف حضنو دافي بالامان قلبي رجع يضرب بزربة و طلعات معايا سخونية احساس خايب معرفتش علاش كيجيني استغفرت وتعودت من الشيطان الرجيم قاديت مكياجي من بعد البكا و طلعت فوق العمارية وانا لابسة لبسة الاميرة و ..
_لبسة الاميرة و عصام يتمشا كنت فوق لعمارية وهو ب لباس تقليدي جابادور مخطط بالابيض و الازرق ولابس بلغة بيضاء جا كيحمق و غزال ب كترة ما حمقني نسيت انني عروس فوق لعمارية ونسيت ناس لي كانت كتشوف فيا و تصفق و تشطح وبقيت مركزة على عصام لي كان فرحان و ضاحك و كيحيي ناس و يدير باي باي ويشوف فيا مرة مرة انا محيدتش عيني منو صافي هبطت من لعمارية كلسنا ف بلاستنا و ناس كانت فرحانة سوسن كانت كتشطح و تصور فينا و تجي تبوسني كلشي فرحان انا فرحتي اكبر من انني نوصفها وحتى كلمة ماتعبر عليها )
عصام:: حياتي جيتي غززالة ب هاد لبسة كنموت فيك
لينا:: شكرا حبيبي واخا عييت ب هاد تبدال و سير و اجي ههه
عصام:: مشفتيش انا كنستنا غا امتى نساليو باش نبدي معاك عرسنا تاني
لينا:: وايلي عصام كون تحشم
عصام:: مالي اش قلت الهبيلة ديالي كنبغيك و نحماق عليك و نتي حشمانة
لينا::اه قوليا فين وصلتي فالقضية لي قلتي ليا كاع مسولتك
عصام:: اممم كتبدلي الموضوع واخة الالة مبقا قد ما فات و نششدك راه القضية ف يد القاضي دابا انا لي عليا درتو جمعت كامل الادلة لي تخلي شي ريوس كبار ف لبلاد يطيحو ..
((كلشي داز كيف بغيت و احسن حتى جات اخر لبسة ف لعرس هي لا غوب د مارياج لحضة لي كتحسي انك صافي خطيتي خطوة لحياة جديدة لبست لباس لي صممتو ب يدي و ب قلبي حلمت بيه قبل منشوف عصام وتمنيت لبسو لرجل نبغيه و فعلا ليوم لبستو لعصام لي كان كيف الامير ب كوستيم اسود و كرافاط بيضاء شدليا يدي و دخلنا للقاعة و كلشي وقف وحنا كنتمشاو على سجادة الحمراء تحت تصفيقات و صور الحضور وعلى انغام اغنية ماجدة رومي
طِليِّ بالابيض طليِّ
يا زهره نيسان
طِليِّ يا حلوي وهليِّ
بهالوج الريَّان
*************
واميرك ماسك ايديكِ
وقلوب الكل حواليكِ
والحب يشتي عليكِ
ورد وبيلسان
***************
قلبي بيدعيلك يا بنتي
بهالليلي الشعلاني
يا اميره قلبي انتِ
سلَّمنا الاماني
****************
ما تنسي اهلك يا صغيري
بْعينينا ما صرتِ كبيري
ضليِّ معنا وطيري وطيري
بهالوج الريَّان
*************
شعيِّ متل هالطرحه
يا اغلى البنات
بصلِّي تعيشوا بهالفرحه
لباقي الحياه
شعيِّ متل هالطرحه
يا اغلى البنات
***********
وربِّي من السما يبارككن
كيف ما توجهتو يرافقكن
بايام الصعبي ينصركن
عَ كل الاحزان....»»»
*************************** .كنت كنسمع الاغنية لي ياما تمنيت نعيش هاد لحضة ولاكن عمري تخيلت مغيكونش معايا بابا دموع ضروري يهبطو بلا ميشاورو عصام زير ليا على يدي ويقولي ف ودني كنبغيك متبكيش دموعك كيعدبوني وباسليا يدي وصلنا حدا طارط ولبسنا لخواتم و تصورنا مع الجميع ..
عصام:: سوسن صافي واش مزال ميساليو راه خاصنا نمشيو غدا تابعنا سفر راك عارفة
سوسن:: صافي خويا غي شوية يساليو تصاور و نحبسو صبرو ما بقا قد ما فات
لينا:: عصام مالك مقلق صبر شوية حشومة راه مبقا والو
عصام:: وا راني مقلق امتى نكون غي انا و نتي راس ف راس
لينا:: والله متحشم
عصام:: حشمي غي نتي باراكا الا حشمنا ب زوج غنبقاو خوت و حنا خاصنا نولدو وليداتنا ههه
لينا:: ياربي امين مكرهتش نجيب منك 20 ولد وبنت ويكونو يشبهوك كاملين
عصام:: راه عندنا شهر العسل كولو ف شمال ندوزوه و جيبي لي بغيتي انا مستعد للحرب
لينا:: هههه مكتحشمش نتا و لي يهضر معاك خاصو عقل يلاه سكت و شوف ناس بدات تشوف فينا
عصام_: علاه هوما امتى حيدو عينيهم ملي بدا لعرس كلشي حاضينا اييي
لينا:: عصام حبيبي مالك شنو كيوجعك
عصام:_ لا لا حبيبة متخافيش غي ضرتني كرشي ولا معرفت يمكن خلطت ف ماكلة ليوم
لينا:: خلعتيني يلاه انقول ل سوسن نمشيو رتاحو صافي راه عيينا
(صافي كمل لعرس و ف طريقنا للخروج من القاعة كلشي وقف كيودعنا كانت اغنية عابالي جبيبي البسلك الابيض ديال اليسا كل كلمة فيها كتعبر على شنو كنحس مع عصام فعلا كنتمنى نعيش معاه و نشرف و نموت معاه ولاكن ف لحضة كلشي غيتهدم و احلامي غتصبح صراب ف لحضة الحياة ديالي غترجع توقف من جديد و لينا تحطم و تضمر كتر و كتر
ف لحضة حسيت ب يد عصام فارقت يدي تلفت ملقيتش عصام كان طايح فوق الارض معرفش امتى طاح ترميت عليه مخلوعة كنغوت كلشي تجمع علينا الموسيقى وقفات هزيت عصام لعندي و عنقتو حطيت راسو على صدري بقا كيشوف فيا و يهضر قربت ليه نسمع اش كيقول حيت صوتو كان ممسموعش )
عصام:: لينا سمحيلي الى خليتك ماشي ب يدي ولاكن تاكدي اني عمري بغيت شي وحدة من غيرك نتي حب حياتي لينا
ليا :: (بدموع) متقولش هاكا نتا غتعيش و مغادي يوقع والو مستحيل تخليني و تموت نموت معاك مستحيل نعيش بلا بيك عصام عفاك متموتش متخلينيش
عام:: لينا متبكيش منبغيش نشوف دموعك كيحرقوني لينا بغيتك تعيشي حياتك و تكوني قوية لينا كنحس ب راسي غنموت سمحيلي الى درت ليك شي حاجة هاد نهار لي كنت خايف منو علاش مقدرتش نقولك نبغيك حيت خفت نخليك ف وسط طريق لينا خوديلي حقي من لي قتلوني
لينا:: عصام علاش كتقول هاكا عصام شكون هادو الله يخليك نوض متخلعنيش بحال هاك عصام عصام جاوبني اش كدير علاش كتشهد نتا مغاتموتش عمرك ما غاتموت و تخليني مستحيل ( عصام شهد و صبعو حبس على لحركة راسو تقال عليا معرفتش كيفاش صرا هاد شي عصام مات و خلاني عروسة با لباس الابيض مات قبل منعيش معاه سعادة لي حلمنا بيها مات عصام و خلاني من موراها بحال وردة دبلانة مشا لي زرعها و عمرو ....
مشا لي زرعها و عمرو يرجع و بقات دابلة عصام كان عارف نهايتو غتكةن هاكة حيت كل قضية كيدخل ليها الى كيجيوه تهديدات بالقتل حيت كان يخدم بانيتو و ميشدش رشوة ولاكن هاد المرة نفدو التهديد و خداو ليا عصام لي مكانش باغي يرتابط بيا حيت خاف يموت ولاكن حبو الكبير ليا مخلاهش يقدر يقاوم ولاكن مكانش كيضن ان الموت غتجيه ف نهار عرسنا عصام مسكين مفرحش بيا وانا مفرحتش بيه ضلامت دنيا ف عيني و كرهت لعيشة هنا بلا بيه ولاكن خاصني ناخدلو حقو من لي كان سبب من بعد ما خدينا الجتة ديال عصام للطبيب دارو تحاليل كتاشفو انه مات ب تسمم رفعت قضية و تاهمت ناس لي ف القضية لي كان عصام خدام فيها ولاكن مكان حتى دليل كلشي تخبا كيف ديما طبيب بدل اقوالو و قال عصام مات موتة ديال الله القضية لي عصام مات ب سبابها الاوراق ختافاو و القاضي حكم بالبرائة ديال المتهمين عصام دارو ليه سم ف العصير لي شربتو ليه ب يدي سرفور لي مسيفطينو ختافا بعد العرس مهم حق عصام مشا مقدرتش نجيبو ليه عيييييت حاولت ترجيت حتى واحد ما وقف معايا كلشي رجع ضدي حتى القانون لي هو المسؤول على حمايتي ضلمني و معطانيش حقي كرهت كلشي حتى بلادي كرهتها حسيت فيها بالحكرة قرررت نبيع كلشي و نهرب نسافر حيت كل بلاسة كتفكرني ف عصام كل شارع بحر قهوة كندخلها الى و كنشوف عصام ف كل مكان حياتي مبقيتش كنحس بيها حياة رجعات جحيم نهار كيدوز عليا بكا و حزن و عايشة الحاضر ب ذكريات الماضي كنشوف ف صور عرسي لي ترملت فيه هربت قلت يمكن نقد ننسى مشيت لعند سوسن ل فرنسا ولاكن لقيت راسي كل مكنشوفها كنتفكر عصام كتر و كتر حسيت بلي معاها عمري نسا ولعكس غنمرض كتر وحتى هي مرضتها كل نهار نبكيها و نفكرها ف خوها لي مات عريس خليتها خليتها و مشيت ل باريس قلت نخدم و ننسى ف وسط الاتواب و تصاميم ديالي الماضي قلبت على خدمة لقيت واحد شركة ديال واحد المصمم المغربي دفعت و شافو تصاميم ديالي و خدمتي عجباتهم قبلوني و بديت كنخدم ليل و نهار باش منخليش وقت فراغ نتفكر فيه الماضي كنخيط و نصمم اشكال جديدة لقات اعجاب كبير من طرف صاحب شركة و ترقيت ف خدمتي و رجع اسمي معروف داز عام وانا كنخدم و نمشي للدار نعس معندي حتى نشاط اخر مكنخرج نتسارا مكنهضر مع حتى واحد حتى الاصدقاء معنديش كنت عايشة حالة من الاكتئاب حتى حاجة مبقات تفرحني كانت عندي قطة هي لوحيدة لي كنحكيلها و نشكيلها همومي و نبكيلها على زهري مبقيتش قادة نتعلق ب شي انسان و يمشي و يخليني وليت نخاف من لموت لا تاخد مني ناس لي كنبغي هاد شي لي خلاني نقرر عمري نبغي شي حد ولاكن جا نهار لي قراري اصبح قدام الواقع مجرد كلام ليس له اي معنى ف نهار صاحب شركة ...
ف نهار صاحب شركة عين مسؤول جديد ف العلاقات العامة ودارنا حفلة صغيرة باش نتعرفو عليه اول مشفتو مصدقتش عيني واش انا كنحلم او حقيقة اكيد تخيلات ولاكن دازت سنة على موت عصام ميمكنتش تجيني تهيئات بعد هاد لمدة اكيد مستحيل ولاكن راه عصام هادا لالا كيشبه ليه اكيد ماشي هو
هنا لينا غادي تغير حياتها من جديد ماشي ب يدي شي حاجة لي فوق طاقتي
نطق مدير شركة و عرفنا على المسؤول جديد لي كان ..
مدير:: بغيتكم ترحبو ب لمسؤول على العلاقات العامة والتسويق سيد عماد
عماد:: شكرا ليك ولجميع لحضور نتمنى نكون خفيف عليكم و نضيف للشركة و شكرا على الاستقبال لمتميز
(معرفتش باش تبليت شكون هاد عماد لي دخل ل حياتي ليوم مستحيل هاد شبه الكبير بينو و بين عصام تقول توأم ديالو نفس لعينين لي شوفة فيهم كتحسسك باراحة نفس ملامح لوجه نفس طريقة تسريحة ديال شعر حتى من كلامو نفس طريقة عصام ف كلام صوتو حنين و دافئ وكيحسسك بالهدوء محيدش عيني منو طول سهرة كنشوفو تحركاتو طريقة تعامل ديالو وكانني كنشوف عصام رجع الماضي حيا من جديد واخا عمري نسيتو ولاكن كنحسو دابا حدايا حي عصام رجع ولاكن ف شخص اخر بغيت نترما ف حضنو و نقولو توحشتك حسيت راسي تقال عليا و بديت كنهلوس و هزيت صاكي و خرجت من لحفلة مشيت للدار نعست بلا منفكر حيت الا فكرت غادي نهبل على امل انني نفيق صباح و يكون مجرد حلم حلمتو ولاكن فقت تاكدت ان شي لي وقع حقيقة و عماد اصبح موجود ف شركة خاصني نتعامل معاه و نشوفو كل نهار )
مدير:: انسة لينا فين مشيتي لبارح قلبت عليك نعرفك على سيد عماد ملقيتكش
لينا:: راه حسيت ب راسي عيانة و مشيت للدار ريحت
مدير:: ماشي مشكل ليوم نعرفك عليه حيت ضروري راه غتخدمو بزاف...
مدير:: ماشي مشكل ليوم نعرفك عليه حيت ضروري راه غتخدمو بزاف ب2 اه عرفتي غتناصل بيه يجي للمكتب و نعرفك عليه
لينا:: مرة اخرى دابا عندي خدمة ضروري نساليها
مدير:: معليش اجليها ل من بعد .. الو سيد عماد ممكن دوز عندي للمكتب بغيتك
عماد:: سلام وعليكم
مدير:: سلام عماد بغييت نعرفك على لينا مصممة ديالنا لمبدعة ولفنانة
عماد:: متشرف ب معرفتك انسة لينا شفت تصاميم ديالك تبارك الله روعة
لينا:: شكرا بزاف سي عماد
عماد:: بلا سي عماد حنا زملاء و غتكون بيناتنا خدمة بزاف مخاصش تكون رسميات بيناتنا
( هضرتو نضراتو طريقة لبسو كلها كتفكرني ف عصام لفرق لوحيد هو عماد داير لحية لي زادتو جمال و رجولة معرفتش امتى و كيفاش و قع و بغيتو عماد عمرو عاملني معاملة خاصة كانت معاملتو كلها ف اطار لخدمة ولاكن حبي ليه كيزيد يكبر نهار بعد نهار وانا كنشوف رجولتو ف مواقف كتيرة مع جميع ناس كان متواضع حتى مع الخدامة البسطاء كيعطيهم قيمة و وقت كان حنين و ضريف بزاف مكرهتش نمشي نقولو كنبغيك و فيك لقيت شي لي كنت حاسبة عمري لقاه هو الحب عماد ب وجودو حسيت بلي مزال كاين امل فالحياة و ربي غيعوضني فيه على عصام و بابا لي ماتو ولاكن دايما احلامي كتهدم قدام عيني دازت سنة وحبي ل عماد كيكبر جا وقت كونجي شهر مغانشوفوش حسيت ب اختناق مستحيل يدوز شهر منشوفش عماد لي ولفت نشوفو كل يوم و نهضر معاه ولاكن ضروري يمكن ف هاد شهر نساه و نعيش بلا بيه حيت تعلقت بيه بزاف و حبي ليه من طرف واحد كيضيعني كتر و يحطمني كتر معرفتش فين نمشي ف كونجي والمغرب حلفت عمري نجيه حيت كرهت الضلم و الحكرة لي فيه و مبقالي حتى واحد فيه من غير مي حادة و خفت من ذكريات الماضي ترجع تحيا وقررت نمشي عند سوسن ل تولوز ندوز معاها لعطلة و فرحت بيا بزاف و استقبلتني
سوسن:: واخا فيك عام متجيش
لينا:: راك عارفة لخدمة و صافي
سوسن:: متجيش و فهمناها عندك لخدمة و تلفون واتساب فيسبوك والو مكتفكرينيش حتى ب ميساج و كنسيفط ليه متجاوبيش
لينا:: نتي عارفاني معنديش مع فيس و واتس ياك كنت كنجاوبك ف تلفون اوا خلينا من لعتاب و حكيلي لجديد
سوسن:: اممم لجديد هو تخطبت لعقوبة ليك ان شاء الله
لينا:: بصاااح مبروووك فرحتليك شكون هادا و امتى تعرفتي عليه حكيلي كلشي ب تفاصيل باش نحكيلك حتى انا ههه
سوسن_: اممم قوليا عندك لجديد اجي علاش متصبريش حتى ل بلاتي غادي يجي عندي يتغدا و تشوفيه ب عويناتك راه قوتلو باش نعرفك عليه
لينا:: امم واخا الالة اكيد غيكون يحمق بحالك
سوسن:: ههه اوا غاتشوفيه و ردي عليا لخبار ،( وجا وقت لغدا دق باب دار كنت ف دوش قلت نخليهم يهضرو شوية و نحرج بقيت ساهية
،( وجا وقت لغدا دق باب دار كنت ف دوش قلت نخليهم يهضرو شوية و نحرج بقيت ساهية ف المرايا كنشوف لينا لي شحاال مشفتهاش تبدلت بزاف من مور موت بابا مات فيا الاحساس بالسعادة حتى جا عصام رجعلي ضحكة و مات و خلاني و لينا ماتت حتى هي و ليوم عماد رجع حياني من جديد معرفتش واش احساسي بالحب ل عماد غلط واش هاكا انا انانية مفكرتش ف عصام و دغيا نسيتو و قدرت نبغي من غيرو بقيت ساهية حتى شميت ريحة بارفان كيديرها عماد حسيتو قريب ليا بزاف بحال كنسمع صوتو لهاد درجة كنبغيه تنهدت و خرجت نشوف خطيب سوسن و هنا غتكون صدمة لي معرفتش كيفاش نستقبلها عماد هو خطيب سوسن علاش يا ربي كيوقع فيا هاد شي تفعفعت و بقيت كنتمتم و نترعد)
سوسن:: لينا اجي مالك تخلعتي اكيد شبه ديال عصام و عماد هو لي خلاك تخلعي
لينا:: ااه لا راه عماد .و..
عماد:: لينا مالك تخلعتي مين شفتيني بحال عمرك شفتيني
سوسن:: عماد كتعرف لينا
عماد:: اه راه خدامة معايا ف شركة و حنا اصدقاء
سوسن:: ااه مزيان مين كتعرفيه سهلتو عليا بزاف ههه مهم راه يمكن لي معرفاهش هو عماد ولد عمي
عماد:: اجي بعدا منين كتعرفي لينا
سوسن:: راه لينا هي مرات عصام الله يرحمو نتا عمرو شفتها ولا جات فرصة نعرفك عليها
عماد:: سمحيلي لينا مكنتش عارف الله يرحمو و يعطيك صبر واخا معطلة راه ضروف مسمحاتش ف ديك لوقت نحضر لعرسكم وكنت ناوي نجي مور لعرس ولاكن قدر الله و ما شاء فعل عصام صراحة اتر فينا لموت ديالو كاملين و كان فاجعة لينا..
(خليتو مزال كيهضر و جريت للدوش و بقيت كنبكي على زهري لي مبغاش يتقاد علاش انا عمري منفرح علاش كل ما نقول صافي غارتاح ونزيد خطوة للقدام نرجع عشرة للوراء كرهت مليت صافي غنهرب كيف ديما و نخلي كلشي مورايا منقدرش نتحمل نشوف عماد مع وحدة اخرى و سوسن صاحبتي و اخت عصام يعني عماد من حقها كتر مني انا مجرد دخيلة معنديش حق فيه كيف ديما هربت عتاذرت لسوسن وقلت ليها غانسافر عند شي صديقة و رجعت ل باريس قدمت استقالتي لي لقات استغراب من لجميع حيت معرفوش سبب غير انني ضعيفة كيف ديما منقدش نواجه مشاكيلي و لعقبات ف طريقي و ديما كنهرب بلا منفكر هزيت حوايجي و خويت فرنسا كلها و مشيت ل اسبانيا لي غنبدا فيها من تحت صفر نفسية محطمة و انسانة مريضة وحيدة تائهة غريبة ف بلد غريب حنيني ل بلادي كل نهار يكبر كتر ولاكن منقدش رجع ليه حييت تما غنمرض كتر بقيت عايشة ف وسط ناس غريبة عليا تقاليدهم عاداتهم كلها بعيدة عليا دازت شهور وانا غي دار و نعاس و ماكلة ولاكن حتى ل امتى غنبقى هاكا خاصني ندير شي حاجة صافي غادي نخدم منبقاش غي كالسة فعلا بقيت كنمشي ل محلات ديال الكسوة و كنوريهم تصاميمي و.....
( وجا وقت لغدا دق باب دار كنت ف دوش قلت نخليهم يهضرو شوية و نحرج بقيت ساهية ف المرايا كنشوف لينا لي شحاال مشفتهاش تبدلت بزاف من مور موت بابا مات فيا الاحساس بالسعادة حتى جا عصام رجعلي ضحكة و مات و خلاني و لينا ماتت حتى هي و ليوم عماد رجع حياني من جديد معرفتش واش احساسي بالحب ل عماد غلط واش هاكا انا انانية مفكرتش ف عصام و دغيا نسيتو و قدرت نبغي من غيرو بقيت ساهية حتى شميت ريحة بارفان كيديرها عماد حسيتو قريب ليا بزاف بحال كنسمع صوتو لهاد درجة كنبغيه تنهدت و خرجت نشوف خطيب سوسن و هنا غتكون صدمة لي معرفتش كيفاش نستقبلها عماد هو خطيب سوسن علاش يا ربي كيوقع فيا هاد شي تفعفعت و بقيت كنتمتم و نترعد)
سوسن:: لينا اجي مالك تخلعتي اكيد شبه ديال عصام و عماد هو لي خلاك تخلعي
لينا:: ااه لا راه عماد .و..
عماد:: لينا مالك تخلعتي مين شفتيني بحال عمرك شفتيني
سوسن:: عماد كتعرف لينا
عماد:: اه راه خدامة معايا ف شركة و حنا اصدقاء
سوسن:: ااه مزيان مين كتعرفيه سهلتو عليا بزاف ههه مهم راه يمكن لي معرفاهش هو عماد ولد عمي
عماد:: اجي بعدا منين كتعرفي لينا
سوسن:: راه لينا هي مرات عصام الله يرحمو نتا عمرو شفتها ولا جات فرصة نعرفك عليها
عماد:: سمحيلي لينا مكنتش عارف الله يرحمو و يعطيك صبر واخا معطلة راه ضروف مسمحاتش ف ديك لوقت نحضر لعرسكم وكنت ناوي نجي مور لعرس ولاكن قدر الله و ما شاء فعل عصام صراحة اتر فينا لموت ديالو كاملين و كان فاجعة لينا..
(خليتو مزال كيهضر و جريت للدوش و بقيت كنبكي على زهري لي مبغاش يتقاد علاش انا عمري منفرح علاش كل ما نقول صافي غارتاح ونزيد خطوة للقدام نرجع عشرة للوراء كرهت مليت صافي غنهرب كيف ديما و نخلي كلشي مورايا منقدرش نتحمل نشوف عماد مع وحدة اخرى و سوسن صاحبتي و اخت عصام يعني عماد من حقها كتر مني انا مجرد دخيلة معنديش حق فيه كيف ديما هربت عتاذرت لسوسن وقلت ليها غانسافر عند شي صديقة و رجعت ل باريس قدمت استقالتي لي لقات استغراب من لجميع حيت معرفوش سبب غير انني ضعيفة كيف ديما منقدش نواجه مشاكيلي و لعقبات ف طريقي و ديما كنهرب بلا منفكر هزيت حوايجي و خويت فرنسا كلها و مشيت ل اسبانيا لي غنبدا فيها من تحت صفر نفسية محطمة و انسانة مريضة وحيدة تائهة غريبة ف بلد غريب حنيني ل بلادي كل نهار يكبر كتر ولاكن منقدش رجع ليه حييت تما غنمرض كتر بقيت عايشة ف وسط ناس غريبة عليا تقاليدهم عاداتهم كلها بعيدة عليا دازت شهور وانا غي دار و نعاس و ماكلة ولاكن حتى ل امتى غنبقى هاكا خاصني ندير شي حاجة صافي غادي نخدم منبقاش غي كالسة فعلا بقيت كنمشي ل محلات ديال الكسوة و كنوريهم تصاميمي و.....
و كان اقبال عليها بديت كنخيط و نفصل و نسا لي صرالي شوية ب شوية غادي نتلاقا مع واحد المستثمر اسباني عرض عليا نديرو شركة انا ب تصاميمي و هو ب فلوسو مضينا العقد حسيت بلي الحياة كتبتسم ليا شركة بدات كبيرة يعني بديت من الدرجة العاشرة الحمد الله هادا من فضل ربي شركة رجعات كتنافس اكبر شركات العالمية فتحنا محلات ف جميع انحاء العالم ب اسم ماركتنا لي تصاميمها رجعت كلام ناس حتى جا وقت لي خاصني نرجع ل بلادي بعد ما تفتح فيه محل كبير باسم شركتنا و بما انني المصممة و مولات شركة و كذلك مغربية ف حضوري ضروري انا مقررة باش منىرجعش لمغرب واخا نموت فكرت ولقيت حل انني نسيفط شي حد ف بلاستي ولقيت واحد مغربي كيخدم مصمم ف شركة قلت يمشي هو يحضر ف بلاستي وانا ف طريقي ل شركة باش نعلم شريك ديالي ف شركة انني منقدش نمشي للمغرب ولاكن وانا ف طاكسي متوجهة للشركة كان مول طاكسي من سوريا و جبدنا هضرة حيت سمعني نهضر ف تلفون ب عربية سولني من اي بلد من عرفني مغربية فرح بزاف و بقا كيشكر ف المغرب وناسو و كرمهم تحرك فيا حب بلادي و الاشتياق للطبيعة و مناضر ديالو لي مكينش بحالها ف حتى مكان رغم انني شفت بلدان كتيرة لقيت بلدي اجمل بلد وحنا كنهضرو دازت اغنية ف راديو كلماتها اترت فيا وحنيني ل وطني و حبي ليه حيا ف قلبي و دمعت عيني وانا كنسمع كلماتها
**سوف نبقى هنا كي يزول الالم
***سوف نحيا هنا سوف يحلو النغم
*** موطني موطني موطني يا انا
*** رغم كيد العدا رغم كل نقم
*** سوف نسعى الى ان تعم النعم
*** سوف نرنو الى رفع كل الهمم
*** ونكون حقا خير امة بين الامم
** فا لنقم كلنا بالدواء و القلم...
حسيت بحال كيقولو ليا انا رجعي لبلادك و رجعي حق عصام لي مات ف نهار عرسو مقتول و حقو مات معاه قلت ل طاكسي يرجعني للدار و بديت نوجد فليزتي و قلبي كيرفرف و طاير بالفرحة وااخيراا غارجع
يااااااه دازت 8سنين مشفتش بلادي توحشت ترابو بحورو ناسو الطيبين البسطاء ااااه بلادي غنرجع من جديد واخا كاين ناس لي ضلمتني و حكرتني ولاكن المغرب بلادي وطني حبي لترابو و صحراء ديالو و سماه و ارضو تفوق كل حقدي على بعض ناس لي فيه و رجعت لبلادي و رجوعي كان و سيبقى احسن قرار خديتو ف حياتي
وصلت لرباط فين غانحلو المحل رتاحيت ف البيت ديال اوطيل كان باقي يومين للافتتاح قلت نستغل هاد يومين نتسارا فيهم بقيت كندور ف المدينة شفت ناس بسطاء ف عينيهم امل كبير و حب ناس كتقاتل على طرف الخبز ويجيو ناس ياخدو ليهم الخبزة ديالهم و يعطيوهم شدق باش يسكتو ناس ضعيفة حيت الكبار حاطين يدهم عليهم حد ميقد يهضر تفكرت ف فرنسا و اسبانية حقوق المواطن فوق..
فرنسا و اسبانية حقوق المواطن فوق كل شي تألمت على حال ولاد بلادي لي كيفرشو ف الارض يبيعو و يسترزقو الله يجيو يهزوهم و يتكرفسو عليهم بالسب و الضرب وياخدو ليهم سلعتهم لي راس مالها باكريدي لي هازينو جبل ما يهزو و يزيدولهم باحكرة و يخليو كروش لحرام لي واكلين حقنا تفكرت بنات بلادي لي كتزوج باش تستر راسها حيت الى خرجات تخدم غادي تلقا تحرش او علاقة حب فاشلة لاهوما تزوج لي جا لول دزت حدا البرلمان شفت شباب ضائع كياكل لعصا لمجرد انو بغا يخدم ذنبو هو قرا و خدا شواهد عليا شفت اطفال كتبيع الورد براءتهم كتدفن كل نهار مستقبلهم مضلم من صغرهم باين مصيرهم فين غادي تفكرت بلي حقنا ف بلادنا رجع حلم و اماني وبقينا كنجريو ورا حقوقنا ونسينا احلامنا لدرجة مبقيناش نحلمو يلاه مقاتلين مع الخدمة و دار و زواج لي هي حق من حقوق كل مواطن تفكرت بزااف و بكيت وتحسرت على بلادي اجمل البلدان لي كضيع ب سباب ناس معندهومش ضمير بغيت نبدل كلشي و نرجع بلادي بلا رشوة بلا حكرة بغيت نمشي للادارة نخرج ورقة لقا استقبال زوين لقا الموضف حاضر ميقولوش ليا سيري حتى سيمانة جاية او عطي رشوة وكلشي يتصايب ف دقيقة بدون عراقيل بغيت لقا فسبيطارات اطبة حاضرين ضميرهم حي و ممرضات يديرو وضيفتهم بلا رشوة بغيت و بغيت و حلمت كلشي يرجع كيف بغيت و تبقا احلام و يد وحدة متصفقش ولاكن كتصرفق وانا حق عصام منخليهش دوزت نهار الافتتاح داز كلشي مزيان تلاقيت مع مستثمرين مغاربة قتارحو عليا نديرو فرع شركة ف المغرب الفكرة عجباتني حيت غادي نحقق حلمي اني نحل شركة ف المغرب و نعوض شركة بابا لي باعوهالي عمامي قلت ليهم خليولي مهلة نفكر حيت صعيب عليا رجع نستقر ف المغرب ..
مشيت ل مدينتي نشوف مي حادة لي توحشتها و منها نقلب على حق عصام منرجعش ل اسبانيا حتى ندخل لحبس لي كان سباب موتو وصلت ل مدينتي ذكريات كلها حيات من جديد توحشت البحر ديالها مشيت لواحد كافي على البحر كلست فيها حتى شفت سوسن داخلا ليها بغيت نتخبا منها كانت هازة بنت ف يدها و ولد كيتمشى عرفت ولادها مع عماد مبغيتش نشوفهم بزوج قلبي غادي يتقطع بغيت نهرب كيف ديما منقدش نواجهم مشيت للحمام حتى تكلس هي و نخرج بلا متتشوفني ولاكن ربي بغانا نتلاقاو من زهري جات حتى هي ل حمام تغسل ل بنتها يديها لقاتني واقفة كنشوف ف لمرايا
سوسن:: راك زوينة بلا متشوفي ف لمرايا :p ليناااااا توحشششتك واخا مخاصمة معاك
لينا:: سوسن سمحيلي كنت جاية نسلم عليك قلت منصدعكش راك مع عماد
سوسن:: هههه عاد زايداها مخبية شفتي فضحتي راسك راه انا كنحلف فيك على الهربة لي درتي متسولي متباني هاد المدة كاملة بغيتك تحضري ل عرسي و تفرحي معايا ..
سوسن:: هههه عاد زايداها مخبية شفتي فضحتي راسك راه انا كنحلف فيك على الهربة لي درتي متسولي متباني هاد المدة كاملة بغيتك تحضري ل عرسي و تفرحي معايا بلاستك خليتيها خاوية
لينا:: سمحيلي معرفتش اش نقولك عارفة راسي غالطة ولاكن ربي لي عالم بيا مهم خلينا هاتي نبوس هاد لغزالة كي سميتيها
سوسن:: صبرين و عندي ولد كبر منها عصام سميتو
لينا:: تبارك الله ربي يحجبهم ليك و كيف داير عماد
سوسن:: لباس عليه واخا شحال مشفتو مدة هادي
لينا:: خدمة ديما داياه عارفاه كيموت على خدمتو
مهم عرضت عليا نكلس معاهاا مبغيتش نشوف عماد حيت مغاديش نقد نشوفو حدايا غادي نتعدب عييت نهرب منها شدتني و داتني لقيت راجلها لي كان شخص اخر غير عماد مفهمت والو بغيت نسولها كيفاش هاد شي ولاكن قدام راجلها مقدرتش نسولها بقيت صابرة حتى لقا فرصة نكون انا وياها ..
راجل سوسن جاه اتصال و قالها غادي نمشي ل شي غرض هي بغات تبقى معايا هنا جاتني فرصة نسولها شنو واقع و حكاتلي سوسن اش وقع مور ما هربت تصدمت وندمت لي مشيت و مصبرتش سوسن و عماد مور ما هربت
من بعد ما مشيت ل اسبانيا سوسن مات باباها و هي و عماد فسخو الخطوبة حيت اصلا مكانوش يبغيو بعضياتهم دارو لخاطر غي ل عائلة و بعد موت اب سوسن قدرو يقنعو عمها بلي ميقدوش يكملو بزوج حيت هما بحال لخوت و سوسن تزوجت ب راجل اخر و عماد على حسب ما قاتلي خطب شي وحدة ف فرنسا انا بلا منحس نزلت دمعة من عيني حيت لوكان بقيت يمكن عماد يبغيني و ميكون حتى حاجز بيناتنا سوسن عرفتني كنبغي عماد حست بيا معرفتش اش ندير ضيعت عماد ب هروبي ديما كنهرب و منواجهش مشاكلي ندمت لي مشيت ولاكن عماد ليوم خاطب و اكيد عمري جيت على بالو مهم دوزت معاها نهار حتى وقت لغروب بغيت نكون بحدي نكلس حدا لبحر حيت هو المكان الوحيد لي نحس فيه بالراحة و نخوي قلبي و نرمي كل مشاكيلي مشيت كلست بوحدي على البحر و بقيت كنبكي بحال شي طفلة صغيرة ضاعت ليها الام ديالها معرفتش علاش كيوقع ليا هاد شي دايما الفرحة كتوصل حتى لعندي و ترجع تمشي حياتي كلها صدمات حتى مبقيتش قادة نتحمل صبر تقاضا ليا محسيتس ب راسي حتى غمضت عيني و نعست على صوت امواج البحر شوية تحطت عليا شي يد درت لقيت عماد شدلي يدي و قالي فين كنتي ا لينا توحشتك شحال وانا نستناك علاش مشيتي و خليتيني لينا كنبغيك و عمري نسمح فيك شوية جات فيا واحد الكرة على راسي فيقتني عاد عرفت بلي كان مجرد حلم بعيد فقت و مشيت كنتمشى ف المدينة بوحدي كنشوف ناس فرحانة ناس حزينة ناس كتجري مزروبة وجوه غريبة عليا وجوه كتيرة كدوز عليا وانا كل وجه كنشوف فيه بابا لي تحرمت منو و عصام ..
و عصام لي فرحتي معاه ماتت قبل ما تبدا و شفت عماد لي بغيتو بعد ما فقدت الامل ف الحياة و قلت جا لي يعوضني على كل ما داز عليا كنشوف فيهم و عندي رغبة نعنقهم و نقولهم عيييت مقديتش نهز الهم بوحدي بغيت شي حد يحس بيا شي حد يقولي نتي ماشي بوحدك انا معاك مبغيتش نبقا بوحدي بقيت غاديا ف طريق حتى وصلت ل اوطيل نعست محسيتش باوقت حتى فقت على اتصال من سوسن عارضة عليا لعشا ف ليل وافقت حيت معاها مكنحسش بالوحدة دوزت نهار ف اوطيل مخرجتش حتى قرب الوقت لي اتفقنا نتلاقاو قاديت راسي و لبست و خرجت لقيتهم كيستناوني ف طونوبيل هي و راجلها مشينا وصلنا ل واحد اليخت
لينا:: سوسن فين حنا واش غنتعشاو هنا
سوسن:: اه هادا يخت ديال صاحب راجلي عارض علينا و قلت تجي تفوجي معانا
لينا:: اممم سعداتو يخت واعر مكرهتش نعيش فيه ديما باليا مسميه على سميتي لينا ههه
سوسن:: هههه اه مسميه على بنتو اوا ها نتي شكون بحالك غادي تعشاي ف يخت و على سميتك مهم دخلي نتي ستناي لداخل غادي نبقا مع راجلي يجي صاحبو لحقو عليك احنا واخا
لينا:: ندخل بححدي لا لا نحشم يكون شي حد لداخل حتى ندخلو جميع
سوسن:: واتي دخلي مكاين حد راه العساس هاهو برا غي يجي مول اليخت ندخو سيري شوفيه من داخل ستاغلي الفرصة راه واعر بلاتي مغتلقايش فرصة تشوفيه مزيان..
دخلت وخليت سوسن برا كان من داخل بحال شي سويت غوايال شي حاجة لي فوق الوصف رائع ب الاضواء و منضم حسيت ب راحة كلست و كنتأمل ف جمالو ولاكن تعطلو عليا بزاف شوية باليا اليخت كيتحرك خفت بزااف اش واقع خرجت كنجري نشوف سوسن معرفتش اش وقعلي بقيت واقفة بحال شي حد كان محبوس ف غرفة مضلمة سنين و تفتحت ليه بااب باش يخرج للحياة من جديد فرحتي كانت لا توصف حسيت راسي بحال شي فراشة وانا شايفة عماد واقف و كيبتاسم ابتسامة بريئة وكلها حب و امل فهمت بلي عماد دار هاد شي كلو على ودي كان موجد عشا رومانسي و شموع و ورد حمر انا مزال ف بلاستي واقفة كنشوف هاد شي واش بصح ولا مجرد حلم و غانفيق على شي ضربة للراس ب شي كرة حتى بالي عماد كيقرب ليا خطوة بخطوة
.عماد:: لينا توحشتك
لينا:: عماد شنو واقع
عماد:: واقع غي لخير عامين و انا كنستنا امتى نلقاك مرة اخرى هربتي بلا متعلمي ولا تفهمي
لينا:: عماد معرفتش اشنو نقولك ولاكن كنت مضطرة و مدمرة من داخل مفكرتش بزاف خديت قراري ب سرعة
عماد:: لي فات مات و كلشي غادي يتصلح من ليوم حنا بزوج مغاديش نتفارقو ليوم معندي حتى عذر باش نقولك كنبغيك
لينا::عماد كيفاش ؟؟ و خطيبتك
عماد:: معندي خطيبة تفارقت معاها من زمان حيت مقدرتش نكمل معاها نتي الوحيدة لي ف قلبي بلاستك حتى وحدة متع.
عماد:: معندي خطيبة تفارقت معاها من زمان حيت مقدرتش نكمل معاها نتي الوحيدة لي ف قلبي بلاستك حتى وحدة متعمرها حاولت مقديتش
لينا:: علاش ضيعت كاع هاد سنين باش تقولي كتبغيني. علااااش عماد معرفتش شحال تعدبت وانا كنبغيك بوحدي ونتا لا
عماد:: شكون قالك انا لا لعكس انا بغيتك قبل ما تشوفيني نتي بغيتك من قبل ما نشوفك ف شركة
لينا:: كيفاش ؟؟؟
عماد:: عصام الله يرحمو و انا كنا صحاب بزاف عصام حكالي من نهار لقاك عند ديك لمرا كل نهار يهضرلي عليك و على اخلاقك كنت كنشوف صور ديالكم بزوج معرفتش كيفاش و امتى بغيتك كل ما يحكيلي عليك حبي كيكبر كتر و كتر حتى عرسكم مبغيتش نحضر واخا كان ب امكاني لحضور ولاكن مبغيتش نتألم حيت حبي ليك رجع كبير تمنيت تكوني ليا انا ونهار جيتي ل فرنسا كنت متبع اخبارك عرفتك خدمتي ف شركة ديال موسيو كريم لي كان صاحبي و طلبتو نخدم معاه باش نكون قريب منك ولاكن مقدرتش نقولك والو كنتعامل معاك بحال زميلة ف العمل حيت كانو العائلة فارضين علينا انا و سوسن زواج ومقدرتش نقولك انا خاطب حيت غادي نخسرك حيت كان عندي امل يجي نهار و يفهمو بلي انا و سوسن خوت فقط و فعلا هاد شي لي وقع ولاكن نتي كنتي هربتي و سمحتي فيا و خليتيني كنتعدب و..
لينا:: :'( صافيي متزيد والو )
عنقتو و بقيت كنبكيي حسيت ب راحة كبيرة حسيت ب امل كبير عماد كيبغيني كيف كنبغيه يمكن ربي عوضني خير و غادي نعيش مع عماد الفرحة لي تحرمت منها سنين عماد هو املي الاخير دوزنا نهار عمري نساه فاتحتو ف موضوع عصام حيت وعدتو نجيبلو حقو عماد حتى هو متحمس باش نعرفو شكون قتلو و ياخد حقو بقينا كنقلبو على اي دليل باش نفتحو القضية من جديد بدينا باسيرفور لي عطاه سم ف العصير قلبنا عليه لقينا رحل من المدينة قلبنا بزاف و سولنا كل ناس لي تعرفو حتى جبنا العنوان جديد لي كان ف مراكش مشينا و لقيناه مريض الله يحفض جاه سرطان ف دم حالتو كتخوف غي شافني بدا كيبكي و يقولي
سيرفور::سمحيلي انا قتلت راجلك سمحيلي ستغلو ضعفي و قلت شي و غروني ب فلوس باش ندير السيرو ف العصير كدبو عليا قالولي بغينا نضحو معا العريس حنا صحابو بغيناه ينعس نهار عرسو باش ربحو حنا حيت مراهنين معاه و بقاو يحلفولي بلي سيرو ديال نعاس و واحد فيهم شربو حدايا و داروه هوما ف كاس ديال لعصير وانا عطيتو ليك باش تشربيه ليه مكنتش عارفو سم غادي يقتلو
لينا:: علاش ممشيتش للمحكمة عتارفت ب هاد الهضرة
سرفور::خفت خفت حيت هددوني من بعد موت ديال راجلك هربوني ل مراكش و قالولي راه القضية غادي تقيد موت ديال الله و مغادي يوقع والو انا درت لي قالو ليا حيت خفت
لينا:: علاش ممشيتش للمحكمة عتارفت ب هاد الهضرة....
لينا:: علاش ممشيتش للمحكمة عتارفت ب هاد الهضرة
سرفور::خفت خفت حيت هددوني من بعد موت ديال راجلك هربوني ل مراكش و قالولي راه القضية غادي تقيد موت ديال الله و مغادي يوقع والو انا درت لي قالو ليا حيت خفت
لينا:: خفت منهم من بشر بحالك بحالو و مخفتش من الله و عقابو
سرفور:: :'( ندمت و عقاب الله راكي تشوفيه ليوم المرض كياكل فيا كل نهار مقادش حتى ندير دوا كنموت كل نهار 1000مرة و راجلك كل نهار كيجيني ف الحلم كيقولي حقي مغاديش يضيع مزال غادي يجي لي ياخدو ليا ختي عفاك عاونيني نتي هي لي غادي تريحيني كنستناك هادي سنين تجي باش هاد الحمل تقيل فوق ضهري نحطو و نخفاف راجلك كيستناك حتى هو تاخديلو حقو انا مستعد نعتارف ف المحكمة ب كلشي
لينا:: شكون هادو تعرفهم؟
سرفور:: كانو حاضرين ف العرس الى شفتهم نعقل عليهم كانو 2
مستنيناش بزاف خدينا راجل معانا و مشينا لمحكمة باش نفتحو الملف من جديد و جبنا دليل قوي عتيراف سرفور لي تعرف على لي قالولو دير سيرو من فيديو ديال لعرس كانو فعلا صحاب عصام ف الخدمة لي معندهم ضمير الفلوس كيحركوهم كيف بغاو باعو ضميرهم و صاحبهم على وسخ دنيا شحال غادي ياخدو 100مليون تقد تجيك موراهم مصيبة تخرسرهم فيها و تقد تموت و تخليهم موراك يستافد بيهم غيرك بعد تحقيقات كتيرة و بحت عرفو شكون مور هاد الجريمة لي كان برلماني و شخصية معروفة عندو حصانة وعصام كان عرف عليه بعض المخالفات بالدليل وتخلص منو و قتلو و دوك الادلة تخبات ب رشوة ولاكن هاد المرة الاسم ديالو تدكر ف تحقيقات و رجعناها قضية راي عام حيت عيطنا للصحافة تجي تكتب على هاد القضية و حكيتلهم كلشي باش ينشروه ف الجرائد باش ميقدوش هاد المرة يخبيو شي حاجة من بعد ما القضية تطورات و ناس تضامنت معانا البرلماني خداوليه الحصانة و تحكم عليه بالتحريض على القتل و صحاب عصام حتى هوما تحكم عليهم و سرفور ...
_ و سرفور مسكين مات بالمرض قبل ما يصدر ف حقو القاضي الحكم ربي رحمو و خفف عليه من عداب الاخرة وبلاه ف دنيا حيت مكانش عارف بلي العصير فيه سم يعني كان مغفل غروه غي فلوس و ضحكو عليه حيت مسكين و فقبر ستغلوه الله ياخد فيهم الحق ولاكن ربي كبير و روح عزيزة عندو عصام ليوم اكيد غايكون رتاح و حقو خديتو ليه و تحبسو لي كانو سبب ف موتو و حتى انا رتاحيت و فرحت ولاكن خايفة نكون كنغدر عصام ب زواجي من عماد ترددت و خفت نتزوج عماد تخلطو عليا المشاعر كلها صليت صلاة الاستخارة و طلبت الله يريحني و نعست و حلمت عصام لابس الابيض و وجهو بحال القمر و مداورين عليه بحال حوريات قمة ف الجمال كل وحدة فيهم خايفة عليه و كتحميه و هو سعيد و فرحان شاف فيا شوفة ديال رضا و حب و قالي لينا انا سعيد و لقيت لي تبغيني متستناينيش عيشي حياتك حيت سعادتك غادي تزيد من سعادتي فقت فرحانة حيت شفت عصام اول مرة ف حلمي من بعد موتو بحال كان مخاصم معايا و ليوم عاد صالحني مين جبت ليه حقو و عرفت بلي هو سعيد و خاصني حتى انا نعيش حياتي حيت عصام عمرو يرجع وعماد ليوم هو المستقبل صافي وافقت على زواج ب عماد لي كان كيدير ليا بحال الما لقليل عمرو شفت منو غي الخير كنعيش سعادة معاه و كل يوم كيزيد حبي ليه و كل نهار معاه كنحس راسي اسعد انسانة ف الوجود و حققت حلمي وفتحت فرع شركة فالمغرب ورجعت لينا كتببتسم و تفرح و ضحك
عرفت ربي عوضني على كلشي لي فقدتو و موت بابا كان سبب خلاني نتعرف على عصام وموت عصام بعدو عرفت عماد لي بغيتو و شفت فيه كل ما فقدت ولاكن هروبي نهار عرفتو خاطب سوسن سبب ف نجاحي و فتحت شركة ف اسبانيا و رجع اسمي معروف ف اوروبا و بعدها رجعت ل بلادي لينا قوية و خديت حق عصام و رجعلي عماد يعني كلشي الاحدات متسلسلة بحال شي مسلسل مكتوب بالقلم سبحان الله يرسم لينا حياة سعيدة ف بدايتنا و بعض الصعووبات و مشاكل ف وسطها و بعدها كتجينا فرحة كبيرة نساو بيها كل ماداز علينا من هم و غم و تفكرت قول الرسول صلى الله عليه وسلم: ما يصيب المسلم من هم، ولا حزن، ولا وصب، ولا نصب، ولا أذى حتى الشوكة يشاكها إلا كفر الله بها من خطاياه..
وقول الله تعالى في سورة البقرة : ( وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ * الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ * أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ
اااااه يا رررب كم انت رحيم سبحانك 💕
-
_باي..
