maroc video

سلام ليوم غانعاود ليكم قصتي مع الوحش بدر ،سميتي زينب،ما طويلة ما قصيرة فورمتي عاديةما سمرة ما بيضاء فعمري 23 محامية ،عايشة في موبل مع بابا او مرتو، ما عنديش طموبيل ختكم كتخاف من صوgان ديما كنشد طرام ،مهم انا راضية على راسي حيت بخدمتي و المتابرة ديالي قدرت نخرج راسي أنا وعائلتي من بيت مع جيران لي كنا فيه،ماما ماتت منين كانت عندي 14 سنة،إعتمدت على نفسي،قريت ووصلت،عمرني تصاحبت ولادويت مع شي دري فشي حاجة من غير لقراية،كنت مخرجا دوك لأفكار من راسي،مهم واحد نهار كنت جالسة فالمكتب ديالي،جاعندي كليان كبير فالعمر تكون عندو 50 عام فعمرو،قال لي بلي كان خدام فشركة ومول الشركة جرا عليه ومابغاش يعطيه تعويض،خديت من عندو لقضية و قلت ليه يقول لي gاع داكشي ليعندو،إتخدت الإجراءات اللازمة،جا نهار الجلسة المنحوس نهار الجلسة كنت واقفة أنا والموكل ديالي قدام المحكمة كنهدن فيه وكنقول ليه بأننا غادي نربحو لقضية بلا مايتشوش حتى وقفو علينا جوج رجال (مول الشركة والمحامي ديالو) أوااااااه هادا هوا مول الشركة كنعرفو والمغاربة كاملين كايعرفوه (بدر الإدريسي) رياضي محترف ففنون الدفاع  عن النفس سابقا بعد الإعتزال ديالو سيير مجموعة من الشركات منهم هاد الشركة المختصة بالملابس الرياضية،عندو بنت عندها 8 سنين mais مامزوجش هاد المعلومات كاملين عرفتهم فgoogle منين كانت عندي 16 عام صراحة كنت مزعوطة فيه،عقل صغر راكم عارفين هههه .... يتبع

_دخل بدر فالسيد دخلة وحدة:ماحشمتيش بوجهك حمر رافع دعوة

أنا:هيه سيدي دوي معايا أنا ماعندكش لحق تدوي مع الموكل ديالي بحال هاكدا،المحامي ديالو يلاه بغا يدوي وهو يقطعو بدر:دابا نتي ليغاتوريني حقوقي سيري لداركوم غسلي لماعن ولا كرطي ولا شوفي أش تديري

أنا:ممأدبش بحالك gعما كنطول معاهم

بدر:ولي بحالك أنا gعما كنعطيهوم وقت أصلا

أنا: (شفت فالموكل ديالي): بلا ماتخمم القضية مربوحة

بدر :(طلقها بضحكة الإستهزاء): شفتي على هاد التكبر لي فيك،إلى ربحتي هاد القضية شرطي عليا لي بغيتي

أنا: إيوا حتى نتا أسي إلى ربحتي هاد القضية شرط ليبغيتي

بدر: (بعينين كلهم تحدي مد ليا يدو): مشات

أنا: سلمت عليه وكنشوف ليه فعينيه : مشات

دخلنا لمحكمة دويت حتى عيت وجات نوبة المحامي ديال بدر وهو يجبد ليهم سيدي ديال لموكل ديالي شداتو لكاميرا كيشفر أواه أنا خضاريت و حماريت مارضيتش ترفعات الجلسة وربح بدر، أنا شبعت فالشارف الهارف سبان : نتا منين شفار لاش جاي لحبس برجليك، صافي داوه لبوليس ، هادي أول قضية غانخسرها فحياتي،خرجت جا عندي بدر بوحدو وقف عليا : إيوا أزين أش درنا

أنا: مبروك عليك

بدر:الله يبارك فيك إيوا باقا محافضة على الوعد ديالك

أنا: بطبيعة الحال موسيو بدر وعد الحر دين عليه شرط لي بغيتي

بدر:لا لا ماشي هنايا ،كاينا واحد الكافي قريبة نجلسو فيها نشربو شي حاجة ونقول ليك الشرط

أنا: (الضحكة الصفرا )شفتك زعمتي دغيا وصلنا لقهاوي

بدر: دغيا دغيا ماغانفوتوش 5 دقايق

أنا: أوكي يلاه جلسنا فكافي راقية خديت عصير أفوكا وهو خدا قهوة قاصحة͵سرباي كايتلحمس عليه بقا ليه غير شويا ويبوس ليه يديه وبدر عاجبو لحال وشي وحدين جاو كيتصورو معاه

أنا: مشهور مع راساتك

بدر:إيوا آش كايصحاب لك

أنا: إيوا أ موسيو طلقنا خلاص أشناهوا الشرط

بدر ( حيد نضاضر ديال شمس من عينيه وشاف فيا وبدا كيدوز يدو على راسو : نتي زوينة بزاف وأي دري يتمناك,مكرهتكش تدوزي معايا ليلة حمرا

أنا: مفهمتش

بدر:تنعسي معايا

أنا: تفو على حيوان,عمرني خليت شي ولد لمرا يقيصني تجي نتا تدوي معايا بهاد الطريقة ( نضت من الكرسي وخويت عليه الكاس ديال لعصير لي فإيديا وهزيت صاكي وتميت غادا ) كلشي كايشوف فيه,درت ليه شوها,جا سرباي كيجري,بدا كايمسح ليه بالفوطة وهو يدفعو بدر و جرني من إيدي

بدر: غاتندمي غي بلاتي,هاد الشرف لي كتدوي عليه غانضيعو لزامل بوك ( ورك ليا على إيديا,حتى بقا فيا لاطراس ) وهو يطلق مني,مشيت بزربة مابقيتش مازال ضرت جيهتو,خلعني وبالمعقول

هز واحد دري تيليفون وبدا كيصور فيه وهو يمشي لعندو خبط ليه تيليفون مع الأرض و ضربو لوجهو,ومول لقهوة والناس كي

أنا: إينا جديد ياكما حاملة

خديجة: لا أحبيبتي لحمالة باقا وقتها, كاندوي لك على داكشي لي فالفايس

أنا:صاحبتي نتي عارفة لفايس مسحتو,ماعندي ماندير بيه

خديجة: نسيت,ماتديش عليا,مهم كيقولو بلي بدر الإدريسي ههه لي كنتي مصدعانا بيه يامات الليسي, خوات عليه صاحبتو عصير فكافي,عرفتي دايرين بيها بوووم فالفايس

أنا: إيمتا تلاح هادشي

خديجة:غير دابا شويا قريتها

أنا: واش مالايحينش تصويرت البنت

خديجة: لا كايقولو بلي ماخلا حتى واحد يصور,سعدات هاد الدرية غاتكون شي بوgوصة منين خوات عليه لعصير ومادار ليها والو

أنا: ههه باينة,شوفي خديجة دابا خاصني نمشي حتى لمن بعد وندويو أوكي

خديجة: أوكي حبيبة باي

جات مرت بابا وبابا خرجت درت معاهم كاسكروط و قلت ليهم غاندخل نعس بلا ماتفيقوني لعشا, دخلت سديت عليا,غمضت عينيا وداني نعاس أول مرة غانعس مع 19:00 صافي فقت ،فطرت مشيت لخدمة كيفما لعادة هاد السبعيام كاملة دازت عندي نورمال النهار التامن كنت جالسة فالمكتب جات عندي سكريتيرة ديالي

سكرتيرة : بغاتك واحد لبنت

انا : دخليها 

بنت غليضة شويا و قصيرا وديرا زيف mais باينة فيها واحد شطا ماطا قالت لي بغات تاخد لورت ديال باباها ولكن عمامها مابغاوش وقالت لي عافاك عاونيني وقالت بأنها كاتسكن فمراكش ، قبلت ودرت معاها غدا نمشيو لمراكش

رجعت لدارقلت بابا على السفر ، سولني شحال غانبقا قلت لية ماعرفتش غانسالي خزمتي و نرجع قال لي خضي واسك مهم هضرت لواليدين راكم عازفينها لغد ليه درت لشعري كوتشوفال لبست كسيوا طويلةسميطات بيضة مشيت فالصباح بكري لمكتب كنتسنا فالبنت وهيا تعيط ليا فالتيليفون

البيت : ألو ختي زينب انا كانتسناك برة قدام المكتب

أنا: اوكي هانا جايا عندك

منين خرجت وقفو عليا تلاتة ديال الرجالة صحاح و مgضرين ، واحد شدني من يديا او وحد من رجليا او التالث دار ليا شي لعيبة على نيفي شميتها سخفت ، منين بديت كانفيق كايبان ليا راسي فبيت كبير كلو خشب وانا ناعسك فوق واحد الناموسية و عريانة مغطيا غير بإيزار بيض نضت مخلوعة حيدت لغطا كيبان ليا الدم.

تخلعت,لصقت فالحيط,بديت كندور فعينيا وكنحاول نستوعب آش واقع,وبديت كانسمع الباب كايتحل, شديت لغطا قاديتو على لحمي و كانتسنا نشوف شكون غايدخل,والمفااااااجأة:
بدر:فقتي,عرفتي كي كاتباني ونتي ناعسة "قرطاسة" (وهاز فإيديه بلاطو فيه لماكلة)
أنا: بدر هذا نتا
بدر: تصدمتي,(سد لباب و جا جلس حدايا وحط لبلاطو فوق الطبلة) آه هذا أنا
أنا: حشومة عليك,نتا ماشي بنادم نتا حيوان,كاتكرفس على بنات الناس
بدر: آه أنا ماشي بنادم,أنا حيوان, وحيوان مفترس,عرفتي كيفاش كايحس السبع منين كاتطيح فإيديه شي غزالة وكاتشوف فيه بدوك لعوينات لي كلهم براءة,كايحس بالوحشية ديالو,داكشي لي كانحس بيه دابا معاك
أنا:كنمسكن فعينيا
بدر:بلا ماديري فيا دوك الشوفات,راه قلبي قصحتو شحال هادي سمعتي, واشدي كولي
أنا: (دفعت لبلاطو) مابغيتش
بدر: راني عارفك عزيزا علك البيتزا وعصير الأفوكا وا شدي كولي
أنا:مابغيتش
بدر: (غوت عليا حتى قفزت من بلاصتي): قلت لك كولي
أنا: ( دموع بداو كايهبطو غي بوحدهم,خديت لبلاطو وبديت كاناكل )
بدر: شفتي شحال كاتباني زوينة ونتي كاتسمعي لهضرة,كون درتيها لخطرة اللولا gعما يوقع لك هادشي
أنا:علاش تكرفستي عليا
بدر:كيفاش تكرفست علك,آه كاتدوي على الدم,لا راك فهمتي غلط,هاداك غير لكيتشوب تخوا ليا فوق ناموسية منين كنت كانصاوبو لك فوق لبيتزا,
أما هاد الشي ديال الشرف نوبتو جايا,علا كايصحاب لك غانعس معاك ونتي دايخة, لالا أنا ضروري خاصني نسمع لغوات فهمتي الإثارة
أنا: طلقني بغيت نمشي
بدر: ماعندك فين تمشي
أنا: الله يخلي لك بنتك,طلقني
بدر: (شدني من شعري) بنتي ماتجبديهاش, بغيتي تخرجي,زيدي يالاه ( حل لباب وبقا واقف)
أنا نضت وقاديت لغطا عليا وشديتو مزيان باش مايطيحش وضربتها بجريا وحدا, ماكاين لا مراكش لا إفران كاين غير لخلا و القيفار والضلام,شويا ديال ضو ديال الgمرا هوا لي خلاني نشوف, رجليا حفيانين تحفرو بالحجر و الزاج بانو ليا 5 من هادوك لي كيحرسو الغابة,مشيت كنجري لعندهم
أنا: عاونوني عافاكم,واحد لمسطي شافرني وبغا يتعدا عليا
الحراس بداو كايتغامزو عليا,واحد دوز إيدو على وجهي أو واحد بغا يحيد ليا لغطا
أنا: هيه راكوم ماكاتعرفونيش,راني محامية,غادا نخرج عليكم كاملين ونرفع عليكم دعوة ونخليكم مجرجرين فالحباسات
بداو كايضحكو أو هوا يجرني واحد فيهم من بزولتي حتى حسيت بالرعد ضرب,عطيتو لمعلم وهربت,واخا رجليا فاشلين عليا,ولكن خاصني نعتق راسي,ماغانتصاطح غير مع بدر,هزيت فيه راسي حيت تبارك الله فيه 1.97 وأنا 1.65 بديت كنشوف فيه غير سمعتهوم وصلو عليا وأنا نتخبا من موراه,جلست فالأرض حيت مابقاوش عندي رجلين لي نوقف عليهم, بدا.

بدا كايخنزر فيهم بدر أو دارليهم إشارة براسو أوهوما يمشيو,ضار لعندي,هزني,جا راسي عند قلبو,حسيت بيه كيدق بزربة وخارجة منو السخونية أو عرقان,إحساس واعر,واحد شوية شدتني دوخة ماعقلت على راسي حتى...
بدر: (نزلني من إيديه) تفو تفو لا مايمكنش
أنا: سمحليا والله ماقصدت
بدر: يع يخ تقياي عليا يالقبحة وماكاينش فهاد لخلا بلاصة فين نغسل
أنا: بقيت جالسة فالأرض أو كانحاول نحبس راسي باش مانتقياش عاوتاني ولكن ماقدرتش نصبر, خويتها لمو على صباطو
بدر: صافي كملات,الله يرحم لك الواليدين
أنا كنشوف غير فالأرض ماقديتش نهز فيه مازال عينيا,حشمت
بدر: زيدي يالمصيبة زيدي (عاود هزني تاني) منين وصلنا لكوخ حطني فوق الناموسية وسد لباب وبدا كايحيد فحوايجو
أنا: هيه آش كاتدير حترم راسك
بدر:ومازال كاتدوي,دايراها قد راسك, والمشكل أنهو كاينة قاميجة وحدا فصندوق غانجبدها لك تلبسيها يعني أنا ليوم غانعس قلواني بمعنى آخر عريان
أنا: وعلاش ماتعطينيش كسوتي نلبسها
بدر: صيفطتها مع رجال دياولي يصلحوها لك
حيد بدر تريكو وسروال وصباط بقا غير بلكالسو,وجا جلس حدايا وعطاني لقميجة ديالو
بدر: شدي لبسي وحيدي داك لغطا لي عمرتيه بالتقيا
أنا: كيفاش, لا مالبسهاش,سمحليا mais شو كيدايرا ,gعما داخلا فلموضة
بدر: أوكي إيوا نبقاو عرياني بجوج ولكن مانضمنكش راه الشيطان كايدور بيناتنا
أنا: صافي طلق لقميجة,(وبديت كانشوف فيه)
بدر: مالك
أنا:بغيت نبدل
بدر: أوووه زعما نغمض عينيا
أنا: إيوا إيلا بغيتي
بدر: عادي راه ديالي ولا ديالك أوديالك ولا ديالي غير بدلي أزوينة
أنا: كنخنزر فيه
بدر: (كيضحك)صافي أنا سديتهم ولكن راه بعض لمرات كايتحلو غير بوحدهم
مهم لبست أو مانعاودش ليكم على ديك لحالة, لقميجة واصلا حتى لركبة أو لكمام هابطين ليا على إيديا وختكم لابس سترينg, مرا مرا كاتدخل ليا فلفرقة
بدر:(صفر تصفيرة طويلة) واكاتباني قرطاسة,سعداتي
أنا: غير كانخنزر فيه, gاع زعاما وطيران ليكانو فيا حدهوم ليا.....يتبع
ناض مشا حل واحد الصندوق جبد منو بيطادين أو لقطن ورجع جلس قدامي
بدر: سرحي رجليك 
أنا:(سرحتهوم وحاولت نلاصقهم مع بعضياتهم باش مايبانش المستخبي ههه)
بدر: مالكي قبيلا سخنتي,خارجة لبرا عريانة
أنا: نتا لي قلتي ليا خرجي
بدر: صافي غير قلتها لك درتيها بصح,كنتي طالبا عليها,إيوا شفتي دابا على برا أش كاين,وهاد لمرة تاني قولي ليا بغيت نخرج
أنا: حشومة عليك,طلقني نمشي
بدر:(جرني من شعري) واش ماكاتفهميش,راه ماعندك فين تمشي,غاتبقاي هنا,حدايا,نتي دابا لقحبة ديالي غاتديري داكشي ليكانقول ليك
أنا: (بداك جهد لي فيا,شديت ظفاري أودوزتهوم ليه ....

أنا: (بداك جهد لي فيا,شديت ظفاري أودوزتهوم ليه على لإيد لي شادني بيها,وهوا يطلقني)
أنا: القحبة هيا موك
بدر:( هز إيدو حتى هزها أو عطاني بيها لحنك,وجمع لبيطادين أو لقطن أو ناض)
أنا بديت كانبكي أوكانتنخصص(قصحني زامل,إيدو بحال لياجورا)
بدر: نتي غاتنعسي فوق الناموسية وأنا غانعس حداك فلفوطوي,ماكاين لا غطا لاوالو
أنا:(باقا غير كانبكي)
بدر: تصبحي على خير أو عطا وجهو لحيط
أنا بقيت كانبكي حتى داني نعاس...
فالصباح حليت عينيا أو كانسمع بدر كايدوي فالتيليفون
بدر:ألو حبيبتي لاباس عليك, توحشتك,كيف دوزتي لمدرسة,شوفي قولي لميما بلا ماتديك ليوم لمدرسة أو تبقا معاك فدار صافي أو سمحيلي حيت فيقتك بكري, باباك كيبغيك,غايسالي غير لخدمة أويجي لعندك.
قطع التيليفون وهوا يقولي: غير حيدي لغطا راه عرفتك فقتي
حيدت لغطا من على وجهي وجلست جاب لفطور حطو ليا فوق لمايدة وجلس حدايا
بدر: ماعرفتش راسي واش خاطفك أولى سرباي عندك,كنوجد لك لي بغيتي ولكن قلبك مابغاش يحن
أنا: مافهمتش
بدر: بلا ماديري عليا داك تبوهيل ديالك,راكي عارفا أشنو بغيت
أنا: واش نتا مريض,ياك نتا مشهور أو أي بنت تمناك علاش باغيني أنا بضبط
بدر:ماعرفتش,شي حاجة فيك كاتجدبني( بدا كايقرب مني بغا يبوسني,دفعتو أو بدا كايهبط إيديه على لحمي,أو بشوية بشوية بديت كاندوب,مابقيتش حاسة براسي,ترخيت,عنقني وكرز عليا بجهد حتى حسيت بروحي غادي تخرج أو قلبي كيضرب بزربة,واحد شوية وهوا يدفعني أو رجع اللور,أنا حناكي حمارو وكانحس بلي دخان غايخرج ليا من الودنين....
بدر: شوفي رجالي كايتسناوك برا غاتخرجي لعندهم يوصلوك أو مانبقاش نشوف كمارتك مازال,شدي ها كسوتك أو ها صاكك,(تم خارج أوهوا يتلفت ليا) gاع هادشي ليوقع لبارح أو دابا نسايه سمعتي(خرج أو ردخ لباب)
أنا: كانلبس فكسوتي وكاندوي فخاطري( متكبر, وحش,ماعندوش إحساس,مختل عقليا,علاش خليتو يعنقني ويبوسني علاش,دابا وليت قحبة ديال بصح,منين عنقني رجعو لي ذكريات ديال ليسي,كانت عندي 16 عام,كنت كنبغيه أو مانكدبش على راسي باقا حتى لدابا أو منين سمعت دقات قلبو زاد تأكد ليا هاد لإحساس كتر mais كرامتي هيا اللولة,مانسمحش ليه يهيني بحال هاكذا), هزيت صاكي دغيا أو خرجت بان لي بدر واقف حدا واحد الشجرة وكيلعب بالتيليفون,طلعت دغيا لطوموبيل مابغيتوش يشوفني, gاع داك لحب تحول لحقد, كانكرهو,كانكرهو,كانتمنا عمرني نتلاقا معاه مازال....